कांग्रेसले बलियो प्रतिपक्षीको भूमिका खेल्छः देउवा
काठमाडौंः नेपाली कांग्रेसका नवनिर्वाचित संसदीय दलका नेता शेरबहादुर देउवाले कांग्रेसले अब बलियो प्रतिपक्षीको भूमिका निर्वाह गर्ने बताएका छन् ।
कांग्रेसका अर्का नेता रामचन्द्र पौडेललाई पराजित गर्दै संसदीय दलको नेतामा निर्वाचित भएपछि प्रतिक्रिया दिँदै देउवाले लोकतन्त्रलाई बलियो बनाउन कांग्रेस सशक्त प्रतिपक्षी बन्ने बताएका हुन् ।
कांग्रेसका सभापति समेत रहेको देउवाले संविधान कार्यान्वय, संघीयता र लोकतान्त्रिक गणतन्त्रको कार्यान्यवनका लागि अब आफूहरु प्रतिपक्षमै रहेर सशक्तरुपमा अघि बढ्ने बताएका हुन् ।
देउवा बुधबार भएको निर्वाचनमा पौडेललाई ७२ मतले पराजित गर्दै संसदीय दलको नेता भएका हुन् । देउवाले १३९ मत ल्याए भने पौडेलले ६७ मतमात्रै ल्याउन सफल भएका थिए ।
0 comments
प्रतिक्रिया दिनुहोस्...