‘बदनाम हुनु तर गुमनाम नहुनु’ भन्ने सिद्दान्त कलाकारीतामा निकै चर्चित छ । कलाको बलले चम्किन नसक्नेहरु आफूलाई गुमनाम बन्न नदिन स्क्यान्डलको सहारा लिन्छन् । सुन्दरीहरुका लागि स्क्यान्डल मच्चाउने सबैन्दा सजिलो अस्त्र हो, नग्नता ।

सुदुरपश्चिमकी किशोरी अर्चना पनेरु नग्नताकै कारण २०७२ सालभरी बदनाम बनिरहिन् । खुलेआम आफूलाई पोर्नस्टारका रुपमा चिनाउने अर्चना बदनामीमै खुशी छन् । अर्चनाकै हाराहारीमा नपुगे पनि अन्य केही युवतीहरु नग्नताको बाटोमा हिाड्न खोजेका छन् । यहाा चर्चाका लागि अश्लिलता फैलाउने चार युवतीहरुको चर्चा गरिएको छ ।

 १. अर्चना पनेरु :

फेसबुकमा आफ्ना नाङ्गा र उत्तेजक तस्विर पोष्ट गरेर चर्चामा आइन् अर्चना पनेरु । पोर्नस्टार बन्न चाहेको भन्दै केही मिडियामा अन्तरवार्ता दिएपछि उनी एकाएक सामाजिक सञ्चालदेखि चियापसलसम्म गफकी विषय बनिन् ।

उनले बोलेकी मात्रै नभएर पोर्नस्टार बन्ने अभ्याससमेत थालेकी छिन् । अर्चना र उनकी आमालाई सामाजिक संजालमा अश्लिल तस्बिर हालेको भन्दै प्रहरीले पक्राउ गर्यो । आइन्दा यस्तो काम नगर्ने वाचा गरेर उनीहरु छुटे । तर, त्यसयता अर्चनाका आमाछोरीको हर्कत रोकिनुको साटो झन बढेको छ ।

गत चैत्र महिना लागेसागै अर्चनाले आफ्नो चलचित्र यात्रा सुरु गरिन् । यसमा पनि विवाद उब्जियो ।

निर्देशक राजु गिरिले चलचित्र ‘जिस्म’मा उनलाई नायिका लिए । तर, चलचित्रको छायांकनस्थलबाटै अर्चना लगायत यसको निर्माण यूनिटलाई प्रहरीले समात्यो । इजाजतविना नै चलचित्र छायांकन गरेको भन्दै प्रहरीले पक्राउ गरेको थियो । निर्देशक गिरि र अर्चनालाई जसरी पनि चर्चामा आउनु थियो आए ।  पछि ‘जिस्म’को नामै बदलेर ‘अर्चना’ राखेपछि राजु गिरीले छायांकन इजाजत पाएका छन् ।

यतिमात्रै होइन, अर्चनाले आफूलाई सेक्स अफर गरेको भनेर केही निर्माता-निर्देशकको नामै किटेर अर्को लफडा मच्चाउन खोजिन् । अर्चनाले आफूहरुलाई बदनाम गर्न खोजेको भनेर ती निर्माताहरु प्रहरीसम्म पुगेको चर्चा चलेको थियो ।
 २. ज्योती मगरः

ज्योती खासमा लोकगायिका हुन्, तर आफ्नो मोडलिङले गर्दा यो वर्ष चर्चामा आइन् । म्युजिक भिडियोमा मोडलिङ गर्दा आम दर्शकले पचाउनै नसक्ने गरी उनले अंगप्रदर्शन गरेकी छ्न ।

‘ए ज्योती ए ज्योती देउन एकचोटी र ढाडे विरालो’ लगायतका गीतमा उनले गरेको मोडलिङ निकै विवादित बन्यो । सामाजिक संजालदेखि मिडियामा ज्योतीका बिषयमा थुप्रै नकारात्मक टिप्पणी गरिए । तर, यसले ज्योतीलाई दुखीभन्दा खुशी नै बनायो । उनलाई चर्चामा आउनु थियो, सकारात्मक होस वा नकारात्मक मतलब भएन ।

भद्दा शरीरका बाबजुद छोटाभन्दा छोटा पहिरन लगाएर अंग देखाउनै रमाइरहेकी छिन् ज्योती । देशभित्र मात्र नभएर विदेशमा आयोजना हुने कार्यक्रममा पनि अश्लिलता फैलाउन बााकी राखेकी छैनन् उनले । स्टेजमा खुलेका पहिरन लगाएर पुग्दा दर्शकको भिड त लाग्यो, तर उनलाई सुन्ने भन्दा हेर्नेको जमात धेरै थियो । यस्तो माग क्षणिक हुन्छ भन्ने उनले अझै वुझेकी छैनन् । ज्योती मगरलाई नेपाली सांगीतिक क्षेत्रका श्रोता तथा दर्शकले कलाभन्दा पनि छाला देखाउने गायिकाको रुपमा चिन्छन् ।
 ३. तिर्सना बुढाथोकीः

केही म्यूजिक भिडियोमा खेलेर आफूलाई चर्चित मोडल भन्दै हिाड्ने पात्र हुन् तिर्सना वुढाथोकी । तिर्सनाको चर्चा पनि अश्लिल हर्कतका कारण नै बढि हुने गर्छ । विशेषगरी, सामाजिक संजालमा उनले पोष्ट गर्ने तस्बिरहरुले भारतीय मोडल पूनम पाण्डेलाई मात गर्छ ।

तिर्सनाले मिडियामा दिएका उत्तेजक अन्र्तवार्ता, सामाजिक संजालमा फ्यानका लागि भन्दै पोष्ट गर्ने उत्तेजक तस्बिरले उनलाई बर्षभरि चर्चामा त ल्यायो तर नकारात्मक रुपमा मात्रै । यो बर्ष नै उनले भारतको नाकाबन्दीको विरुद्धमा ‘न्यूड बडी पेन्ट’ गरिन् । यसबाट आफ्नो चर्चा ह्वात्तै बढेको उनले बताउने गरेकी छिन् । तिर्सनाले यही शैली निरन्तरता दिएर आफूलाई यस क्षेत्रमा टिकाइराख्न भने कठिन छ ।

 ४.शुभेच्छा थापाः

तस्बिर खिचाउने मामलामा नायिका शुभेच्छा थापा पनि कम छैनन् । गतबर्ष चलचित्र ‘मिस नेपाल’ को मार्केटिङका लागि माछाले आफ्नो बक्षस्थल छोपेर चर्चामा आएकी यी मोडल यो बर्ष भने खादाले आफ्नो शरीर छोपेर विवादमा मुछिइन् । शुभेच्छाले चलचित्र ‘विन्दास ३’ का लागि खिचाएको तस्बिरले अभूतपुर्व आलोचना भोग्यो । खादाको दुरुपयोग गरेको भनेर शुभेच्छालाई कारवाही गर्नुपर्ने माग समेत गरियो । तर, पछि उनले माफी मागिन् र कुरा सेलायो । आफ्नो बक्षस्थलमा नेपालको राष्ट्रिय झण्डाको ट्याटु खोपाएकी शुभेच्छा चर्चामा आउनका लागि जे पनि गर्ने अभिनेत्रीमा पर्छिन ।