वैशाख १, रौतहटमा घरमै सुतिरहेका एक बालकको सर्पको टोकाइबाट ज्यान गएको छ । 

मंगलबार राति ११ बजेतिर घरमै सुतिरहेका रौतहटको पथराबुधराम ९ का विश्वनाथ शाहका १२ वर्षीय छोराको सर्पको टोकाइबाट ज्यान गएको हो । 

सर्पले टोकेका बालकको उपचारमा ढिलाई हुँदा ज्यान गएको जनाइएको छ । 

जिल्ला अस्पताल गौरका आकस्मिक कक्षका इन्चार्ज प्रविन झाले सर्पले टोकेपछि बालकलाई उपचारमा लैजानुको साटो उनका अभिभावकले धामी झाक्रीलाई देखाएका र ढिलो गरेर उपचारमा लगेकाले बालकलाई बचाउन नसकेको बताएका छन् ।