पहिराे खसेपछि नारायणगढ–मुग्लिन सडकखण्ड अबरूद्ध
चितवनको नारायणगढ– मुग्लिन सडकखण्ड खसेको पहिराका कारण पुनः अवरुद्ध भएको छ।
चण्डिभन्ज्याङ–५ स्थित पाँच किलोमा पहिरो खसेर सडक बन्द भएको प्रहरीले जनाएको छ। गएराति २ बजे पहिरो खसेर अवरुद्ध भएको सडक साढे ४ बजे खुलाइए पनि बिहान पाैने सात बजे पुनः पहिरो खसेर बन्द हुन पुगेको बताइएको छ।
प्रहरीका अनुसार राति पहिरो खसेका बेला जनकपुरबाट काठमाडौँ जाँदै गरेको ना ५ ख ३८६२ नम्बरको बसलाई पहिराबाट निकालिएको थियो ।
सडक खुलाउन डोजरको सहायतामा प्रहरी परिचालन गरिएको जनाइएको छ। नारायणगढ मुग्लिन सडक अहिले विस्तारका क्रममा रहेकाले सामान्य पानी पर्दा पनि विभिन्न क्षेत्रमा पहिरो गएर अवरुद्ध हुने गरेको छ। रासस
0 comments
प्रतिक्रिया दिनुहोस्...