जेष्ठ ३०, २०७३- 
दीपकराज गिरीले पछिल्लो पटक एउटा घोषणा गरे, ‘अब पाँच वर्ष टेलिभिजनको पर्दामा नदेखिने ।’

त्यसो त ठूलो पर्दाका लागि एकपछि अर्को सुपरहिट चलचित्र निर्माण गरेर नाफा बटुलिरहेका बखत पारिश्रमिकका लागि पनि झुलाउने सानो पर्दातर्फ मोह भंग हुनु स्वभाविक पनि हो । यसैले पनि उनले चर्चित हास्यश्रृंखला ‘तीतो सत्य’ बन्द गरे । बन्द गरिनुअघि तीतो सत्यका पछिल्ला एपिसोडहरूमा दीपक छायाँमै बसे । चलचित्रमा भने उनी नायककै रूपमा देखा परिरहेका छन् ।

दीपक अहिले सहकर्मी दीपाश्री निरौलालाई निर्देशनको बागडोर दिएर चलचित्र ‘छक्का पञ्जा’ बनाइरहेका छन् । दीपाश्री पनि यतिबेला टेलिभिजनबाट टाढै छिन् । छोटो समयका लागि यी दुई टेलिभिजनबाट टाढिनु राम्रै होला, तर लामो समयसम्म सानोपर्दामा नदेखिँदा उनीहरूलाई नै हानि हुने पो हो कि ? जे भए पनि दीपक र दीपालाई चिनाएको सानो पर्दाले नै हो ।