प्रतियोगितापछि मेस्सी सोमबार अर्जेन्टिना फर्किएका छन् । तर उनले आफ्नो निर्णयका विषयमा केही बोलेका छैनन् । यता राष्ट्रपति मार्सीले मेस्सीलाई सन्यास नलिन आग्रह गरिसकेका छन् ।

१३ वर्षको उमेरमै अर्जेन्टिना छाडेर स्पेनको बार्सिलोना पुगेका मेस्सी बेला बेलामा राष्ट्रिय टोलीका लागि राम्रो नखेलेको भन्दै आलोचनाको शिकार हुन्छन् । म्याराडोनासँग तुलना गरेर पनि मेस्सीको आलोचना हुन्छ । म्याराडोनाले आफ्नो कप्तानीमा सन् १९८६ मा अर्जेन्ज्टिनालाई विश्वकप जिताएका थिए ।

‘हाम्रा लागि विश्वकै उत्कृष्ट खेलाडी उपहारका रुपमा भगवान्ले दिएका छन् । त्यसमा हामी साँच्चै भाग्यभानी छौ किनकी हाम्रो देश फुटबलप्रेमीको देश हो ।’– राष्ट्रपति मार्सीले बताएका छन् ।

अर्जेन्टिनी राष्ट्रपति मार्सी कुनै समय बोक जुनियर्सको अध्यक्ष समेत थिए । उनले ब्युनोर्स आर्यसमा लियोनल मेस्सीको शालिक समेत अनावरण गरेका छन् । मेस्सीसँगै अर्जेन्टिनाका अन्य महान् खेलाडीहरुको शालिक ब्युनोस आर्यसमा निमार्ण गरिएको छ ।rato pati