महानगरपालिकाले इनोभेटिभ कन्सेप्ट प्रा.लि.सँगको सहकार्यमा काठमाडौं महानगरपालिकाले निर्माण गरेको सो पुलको विषयमा केही समयअघि देखि  हानाथाप हुन थालेको थियो । चक्रपथ विकास आयोजनाले चक्रपथ विस्तारको बारेमा थाहा हुँदा–हुँदै पनि महानगरपालिकाले जबर्जस्ती पुल बनाएको र त्यसले हाल समस्या भएको बताएको थियो भने महानगरपालिकाले सो कुरालाई नकार्दै आएको थियो ।
यसैबीच विवादित कलङ्कीको आकाशे पुल भत्काइए पछि चक्रपथको कलङ्की–कोटेश्वरको १० किमी सडक विस्तारको अवधि डेढ वर्षमा सम्पन्न हुने बताइएको छ । चीन सरकारको करिब रु पाँच अर्ब (३१२ मिलियन युआन) अनुदान सहयोगमा २७ किमी चक्रपथमध्ये १० किमी खण्डलाई आठ लेन बनाउने काम भइरहेको छ ।