अर्चना पनेरु पक्राउ
कास्की– विवादास्पद युवती अर्चना पनेरु पोखराबाट पक्राउ परेकी छन् । ‘जिम्स’ नामको चलचित्रको छायांकन हुँदै गरेको अवस्थामा कास्की प्रहरीले उनलाई पक्राउ गरेको हो ।
विना इजाजत नै सो चलचित्र निर्माण गर्न लागिएको पाइएकाले उनीसहित सुटिङ युनिटलाई नै पक्राउ गरिएको कास्की प्रहरीले जनाएको छ । अर्चनासहितको सुटिङ युनिटलाई पोखराको रामबजार चौकीमा राखेका छ ।
निर्देशक राजु गिरीले आफू, अर्चना पनेरु र अन्य २० चलचित्र यूनिटलाई प्रहरीले समातेको बताए । प्रहरीले इजाजत बिनै चलचित्र बनाउन लागेको आरोपमा पक्राउ गरेपनि उनले भने आफूले वैधानिक रुपमै चलचित्र बनाउन लागेको दाबी गरे ।
स्मरण रहोस्, अर्चनाले पोर्नस्टार बन्ने आफ्नो योजना रहेको बताउँदै आएकी छन् । पोर्नस्टार बन्ने योजना सुनाउँदै आएकी युवतीलाई लिएर चलचित्र बनाउन लागिएकाले चलचित्र विकास बोर्डले अनुमति नदिएको र अनुमति नपाउँदा नपाउँदै पनि चलचित्रको निर्माण जारी राखिएको बुझिएको छ ।
0 comments
प्रतिक्रिया दिनुहोस्...