पौडेल समूहबाट भने सभापतिको चुनावमा जस्तै संसदीय दलको चुनावमा पनि आकांक्षीहरुको भीड देखिएको छ । यो समूहबाट पौडेलसँगै प्रकाशमान सिंह, रामशरण महत आकांक्षी देखिएका छन् भने केहीले डा. शेखर कोइरालालाई संसदीय दलको नेताको उम्मेदवार बनाउनु पर्नेमा जोड दिएका छन् ।

सिटौलाको भूमिका

सभापति पदमा तत्कालिन संस्थापन समूहको बागी उम्मेदवार बनेका कृष्ण सिटौला संसदीय दलको चुनावमा पनि आफ्नो प्रभाव देखाउन चाहन्छन् ।

पार्टीमा आफूलाई छुट्टै शक्तिका रुपमा स्थापित गराउन पनि उनले संसदीय दलको चुनावमा चलखेल गर्नु आवश्यक ठानेका हुन् । यसका लागि उनको समूह आन्तरिक गृहकार्यमा जुटिसकेको छ ।

हालै मात्र सिटौलाले आफ्ना निकटवर्तीहरुलाई बोलाएर दलको चुनावमा कस्तो भूमिका निभाउन सकिन्छ भन्ने विषयमा छलफल गरेका थिए । सिटौला निकट नेता शिव हुमागाईँले अनलाइनखबरसँग भने, ‘हामी अहिले छलफलमै छौं । कुनै निर्णयमा पुगिसकेको छैनौं ।’

सिटौला-गगन थापाको समूह अहिले धेरैभन्दा धेरै सांसद आफ्नो समूहमा ल्याउने प्रयासमा छ । यो समूहले आफूहरुसँग १०/१२ सांसद रहेको विश्वास लिएको छ । खासै ठूलो शक्ति नभएकाले सिटौला समूहले संसदीय दलको नेतामा उम्मेदवारी दिने सम्भावना भने निकै कम छ । स्रोतले भन्यो, ‘हामी अहिले समूहलाई स्थापित गर्ने प्रयासमा छौं । त्यसैले आफ्नो पक्षमा रहेका सांसदहरुलाई संगठित गरेर शक्तिसञ्चय गर्न खोजीरहेका छाैं ।’

पौडेल समूहबाट छुट्टएिर बनेको हुनाले स्वभाविक रुपमा सिटौलाको झुकाव देउवातिर रहने अनुमान छ । एक नेता भन्छन्, ‘अब स्वभाविक रुपमा तागत भएको समूहसँग नजिक भइन्छ । तर, हामी कुनै पदका लागि बार्गेनिङ गर्ने भन्दा आफूलाई स्थापित गर्ने प्रयासमा छौं ।’

0 comments

प्रतिक्रिया दिनुहोस्...