काठमाडौं, चैत ९ । नेपाल भ्रमणमा रहेका बेलायती राजकुमार ह्यारी आज पोखरा जाँदै छन् । पाँच दिने भ्रमणमा चैत ६ गते काठमाडौं आएका ह्यारी अहिले लमजुङमा छन् ।

नेपाली सेनाको हेलिकोप्टरबाट ह्यारी आज पोखरा विमानस्थल पुग्ने कार्यक्रम छ । त्यसपछि सिधै पोखराको ब्रिटिस गोर्खा क्याम्पमा जानुहुने छ ।

पोखरामा चार घण्टा मात्र रहने ह्यारी दिउँसो साढे २ बजेसम्म क्याम्पभित्रकै कार्यक्रममा सहभागी भई दिउँसो सवा ३ बजे हेलिकोप्टरमार्फत् काठमाडौं फर्कने कार्यक्रम छ ।

नेपाल र बेलायतबीच कुटनीतिक सम्बन्ध स्थापना भएको दुई वर्ष पुगेको अवसर पारेर पारस्परिक सम्बन्धका दुई शताब्दीलाई चिरस्मरणीय तुल्याउन बेलायती महारानीका प्रतिनिधिका रुपमा उनी नेपाल आएका हुन् ।