काठमाडौं, चैत ७ ।  विश्वकै उन्नत प्रजातन्त्र मानिएको अमेरिकामा आगामी राष्ट्रपतीय निर्वाचनका क्रममा अनेक खाले दृश्य देखिन थालेका छन् ।

आफ्नै र अर्का पार्टीका उम्मेदवारबीच अवाञ्छित लाञ्छना लगाउनेदेखि समुदाय विशेषप्रति घृणा फैलाउनेसम्मका गतिविधि भइरहेका छन् ।

खासगरी रिपब्लिकन पार्टीका तर्फबाट उम्मेदवारीको होडमा अगाडी रहेका अरबपती डोनाल्ड ट्रम्पका गतिविधिका कारण अमेरिकी राष्ट्रपतीय निर्वाचन अफ्ठ्यारो मोडमा पुगेको स्वयं उनको आफ्नै पार्टीका नेताहरुले बताउन थालेका छन् ।

ट्रम्पको अभिव्यक्तिकै कारण ठाउँ ठाउँमा भीडन्तसमेत भइरहेका छन् । आफुलाई उम्मेदवार नबनाए दंगा फैलन जस्ता धम्कीपूर्ण अभिव्यक्ति दिएपछि रिपब्लिकन नेताहरु नै अफ्ठ्यारोमा पर्न थालेका हुन् ।

यसैक्रममा एरिजोनामा ट्रम्पविरुद्ध प्रदर्शन गरिएको छ । एरिजोना राज्यको फोनिक्सनजिक ट्रम्पको ¥याली गर्ने कार्यक्रम तय भएकामा केही प्रदर्शनकारीले ट्रम्पविरुद्ध प्रदर्शन गर्दै राजमार्ग नै अवरुद्ध गरेका हुन् ।

सडकमा उत्रेका करिब ५० जनाका कारण सडकमा ट्रासफक जाम भएको बताइएको छ । भीडलाई तितरबितर बनाउन प्रहरीले दर्जनौंलाई पक्रेको छ ।

ट्रम्पका समर्थकहरुले विरोध प्रदर्शनमा उत्रेकाको प्रतिकार गरेका छन् । र्यालीलाई सम्बोधन गर्दै ट्रम्पले आफ्नाविरुद्ध डेमोक्रेट उम्मेदवार हिलारी क्लिन्टनले षड्यन्त्र रच्न थालेको बताए । साता दिनअघि पनि शिकागोमा यस्तै विरोध भएपछि ट्रम्पले आफ्नो कार्यक्रम रद्ध गर्नु परेको थियो । (एजेन्सी)