ब्रसेल्स – बेल्जियमको ब्रसेल्समा रहेको जाभेन्टेम विमानस्थलमा भएको दुई विस्फोटमा कम्तिमा ११ जनाको निधन भएको छ भने दर्जनौं घाइते भएका छन् । अमेरिकन एयरलाइन्सको चेक इन डेस्क नजिकै विस्फोट भएको प्रत्यक्षदर्शीहरुले बताएका छन् । उक्त घटना स्थानीय समय अनुसार बिहान ८ बजेतिर भएको थियो ।
बिस्फोटअघि अरबी भाषामा चिच्याइएको रिपोर्ट बाहिर आए पनि त्यसको पुष्टि हुन सकेको छैन । चार दिनअघि मात्र ब्रसेल्सबाट पेरिस हमलाका मुख्य आरोपी सलाह अबदेस्लाम पक्राउ परेका थिए । एक दिनअघि मात्र बेल्जिमका गृहमन्त्रीले पेरिस हमलावरविरुद्ध बदला लिएर छाड्ने प्रतिबद्धता जनाएका थिए ।
घटनापछि बेल्जियमले सुरक्षा व्यवस्था कडा पारिएको छ । सुरक्षाकर्मीहरुले विमानस्थलको जाँच गरिरहेको र त्यहाँ अन्य बम पनि फेला परेको बिबिसीले जनाएको छ । बेल्गा समाचार एजेन्सीलाई उद्धृत गर्दै बिबिसीले विस्फोटअघि गोली चलेको आवाज पनि सुनिएको बताएको छ ।