पोल्याण्डको विजयी सुरुवात, नर्दन आयरल्याण्डको अपराजित यात्रा टुंगियो
जेठ ३१ – युरोकप फुटबल अन्तर्गत आफ्नो पहिलो खेलमा पोल्याण्ड विजयी भएको छ । आइतबार राति फ्रान्सको नाइसमा भएको समूह सी अन्तर्गतको खेलमा
पोल्याण्डले डेब्युटिम नर्दन आयरल्याण्डलाई १–० ले हरायो । पोल्याण्डको जितमा ५१ औं मिनेटमा अर्कादिउस मिलिकले गरेको गोल नै निर्णायक बन्यो ।
पोल्याण्डले पहिलो हाफमा निकै राम्रो प्रदर्शन गरेको थियो । नर्दन आयरल्याण्डले पनि केही राम्रा अवसर सृजना गरेको थियो । तर गोल भने गर्न सकेन ।
पोल्याण्डले युरोकपको आफ्नो सूरुवाति खेल जितेको यो पहिलो पटक हो । पोल्याण्डले धेरै पटक पोस्ट प्रहार गरे पनि नर्दन आयरल्याण्डले
एक पटक मात्रै पोस्ट प्रहार गरेको थियो । जितसँगै पोल्याण्डले महत्वपूर्ण तीन अंक जोडेको छ । यो हारसँगै पछिल्ला १२ खेलमा अपराजित रहेको नर्दन आयरल्याण्डको अपराजित यात्रा टुंगिएको छ ।
0 comments
प्रतिक्रिया दिनुहोस्...