नायिका अनुष्का शर्मा वुडापेष्टबाट मुम्बई फर्किइन् । तर, उनी मुम्बइ एयरपोर्टबाट सिधै आफ्नो घरमा गइनन् । बरु, एयरपोर्टबाट उनी प्रेमी विराट कोहलीको घरमा गइन् र परिवारलाई समेत भेटिन् । अनुष्का र विराट बिहेको लागि तयार भएको खबर सार्वजनिक भैरहेको छ । यो अवस्थामा अनुष्काले विराटको परिवारलाई भेट्नुको पछाडि पारिवारिक छलफल रहेको वुझ्न सकिन्छ ।

अनुष्का वुडापेष्टमा चलचित्रको छायांकन सकेपनि केही दिन बसिन् । जबकी नायक सलमान खान अनुष्का आउनु भन्दा २ दिन अगाडि नै भारत आइसकेका थिए ।

अनुष्कालाई पुर्याउन प्रेमी विराट कोहली एयरपोर्टमा नै पुगेका थिए । यी दुइले मुम्बई एयरपोर्टमा चुम्बन गरेको तस्बिर भाइरल भएको थियो ।
व्रेकअप भएको चर्चासँगै केही समय अलग भएका विराट र अनुष्का आइपीएल खेल सकिए लगतै एक भएका थिए । यसपछि, यी दुइलाई धेरै पटक मिडियाले स्पोर्ट गरेको छ ।