-->
प्रधानमन्त्री ओलीले गरे अहिलेसम्मका प्रधानमन्त्रीले नगरेको काम!

विमानस्थलमा प्रधानमन्त्री ओली (फाइल तस्वीर) ।

विमानस्थलमा प्रधानमन्त्री ओली (फाइल तस्वीर) ।

काठमाडौं, ३२ जेठ । प्रधानमन्त्री केपी शर्मा ओली मंगलबार दिउँसो आकस्मिक रुपमा त्रिभुवन अन्तर्राष्ट्रिय विमानस्थल पुगेका छन् ।

विमानस्थलमा विदेश जाने र स्वदेश फर्किने यात्रुले सास्ती खेप्नुपरेको गुनासो बढेपछि प्रधानमन्त्री ओली छड्केमा आफै गएका हुन् ।

अर्थ मन्त्री विष्णु पौडेल, पर्यटन मन्त्री आनन्दप्रसाद पोखरेल र पर्यटन राज्यमन्त्री बलबहादुर महतसहित विमानस्थल पुगेका प्रधानमन्त्री ओलीले अन्तराष्ट्रिय टर्मिनल भवनमा रहेका सबै सरकारी एजेन्सीको काम तथा अध्यागमन, भन्सार कार्यालयका कर्मचारीहरुको पनि कामकारवाहीको निरीक्षण गर्दै जानकारी लिएका थिए ।

झण्डै एक घण्टा विमानस्थल निरीक्षण गरेका प्रधानमन्त्रीले कर्मचारीलाई यात्रुको सेवामा ढिलासुस्ती नगर्न निर्देशन दिए ।

विमानस्थलका निमित्त प्रमुख भोला गुरागाईंले प्रधानमन्त्री ओली आकस्मिक निरीक्षणमा आएको जानकारी दिए ।

उनले भने- ‘पहिलोपटक विमानस्थल निरीक्षण गर्न प्रधानमन्त्री नै आउनुभयो । अहिलेसम्म छड्केमा कुनै प्रधानमन्त्री आउनुभएको थिएन्, पर्यटनमन्त्रीहरु आउने गर्थे । उहाँ (ओली) नै बिना जानकारी पहिलोपटक आउनुभयो ।’

नयाँ नयाँ काम गर्न खोजिरहेका प्रधानमन्त्री ओली विमानस्थलको छड्केमा आफै आएको देखेर कर्मचारीहरु चकित परेका छन् ।



0 comments

प्रतिक्रिया दिनुहोस्...

Powered by Blogger.