जेष्ठ ३०, २०७३- बाबुराम भट्टराई नेतृत्वको नयाँ शक्ति नेपाल आइतबार औपचारिकरुपमा घोषणा भएको छ ।

६–७ महिना अगाडिदेखि अस्तित्वमा आएको नयाँ शक्तिलाई राजनीतिक दलकोरुपमा घोषणा गरिएको छ । दशरथ रंगशालामा आइतबार भट्टराईले सामूहिक शपथ खुवाएर नयाँ शक्ति नेपालको घोषणासभा गरे ।

हजारौंको उपस्थितिमा भएको घोषणासभामा नेपाल र भारतका राजनीतिक दलका प्रतिनिधि, राजदूतहरु एवं ठूलो संख्यामा नेता कार्यकर्ता भेला भएका थिए ।

घोषणासभामा कलाकारहरुले झाँकी प्रस्तुत गरेका थिए भने गायक रामकृष्ण ढकालले स्वदेश गान गाए । खेलाडीले आफ्नो कौशल प्रस्तुत गरेका थिए ।

तस्बिरहरु: शालिग्राम तिवारी र प्रकाशचन्द्र तिमिल्सेना