एजेन्सी । ओमानको मस्कटमा २६ वर्षीया एक महिला श्रीमानको अत्याचार सहन नसकेर घरबाटै भागेकी छिन् ।


जोगेश्वरी नामकी महिला भागेर भारतको मुम्बई पुगेकी छिन् । मुम्बईमा उनको माइती घर छ तर, उनी माइतीघर नगएर सिधै अम्बोली पुलिस स्टेशनमा आफ्ना श्रीमान अमजद जिवानीविरुद्ध उजुरी दर्ता गराएकी छिन् ।

उनले आफ्नो उजुरीमा श्रीमानले दिनदिनै बलात्कार (इच्छा नहुँदा नहुँदै जबरजस्ती यौनसम्पर्क) गर्थे र अप्राकृतिक यौनसम्पर्क राख्न बाध्य पार्थे’ भनेर उल्लेख गरेकी छिन् । जसका कारण उनी स्पाइनको विरामी भइन् । र कैयौपटक अस्पतालमा भर्ना हुनुपर्यो ।

पीडित महिला अहिले विमिंज शेल्टरमा आश्रय लिएर बसिरहेकी छिन् । उनले आफ्ना माइतीलाई सहयोग मागिनन् किनकि उनका आमाबुवाले उनलाई आफ्ना सासु ससुरा वा श्रीमानलाई निराश गरेमा मारिदिने धम्की दिएका थिए ।

मुम्बई मिररका सम्वाददातासँगको कुराकानीमा जोगेश्वरी भनिन्– ‘मे २०१४ मेरो इंगेजमेन्ट अमनदसँग भएको थियो । उनी सधै सेक्स र अन्य विषयमा लज्जास्पद कुरा गर्थे । यसकारण मैले इंगेजमेन्ट तोड्ने निर्णय गरे । तर, उनका अभिभावकले मेरा आमाबुवासँग विहेपछि सुध्रिने भनेर विहेका लागि मनाए । त्यसपछि गत वर्षको जनवरीमा हाम्रो विहे भयो । त्यही रातमा (सुहागरात) उनले मेरो कैयौपटक बलात्कार गरे । उनी सेक्शुअल सप्लिमेन्ट्स र स्प्रे प्रयोग गर्थे । जब मैले त्यस्तो नगर्नुस्, दुख्छ भन्दा मान्दैनथे । म पीडा सहन बाध्य हुन्थे ।’