वेष्ट इन्डिजले प्रस्तुत गरेको दुई सय ४६ रनको लक्ष्य पछ्याएको भारतले पूरै ओभर खेल्दै चार विकेटको क्षतिमा दुई सय ४४ रन मात्र बनाउन सक्यो । 

भारतका लोकेश साहुलले नटआउट एक सय १०, रोहित शर्माले ६२, कप्तान महेन्द्र सिंह धोनीले ४३ तथा विराट कोहलीले १६ रन बनाए पनि नतिजा आफ्नो पक्षमा पार्न सकेनन् । 

वेष्ट इन्डिजका डवेन ब्रावोले दुई विकेट लिए । अन्तिम ओभरमा जितका लागि ८ रन चाहिएको अवस्थामा भारतले ६ रन मात्रै बनायो । १९ ओभरमा तीन विकेटको क्षतिमा दुई सय ३८ रन बनाएको भारतका लागि अन्तिम ओभरको पहिलो बलमा कप्तान धोनीले एक रन बनाए । दोस्रो बलमा पनि एक रन तथा तेस्रो बलमा राहुलले पनि एक रन बनाए । चौथो बलमा धोनीले दुई रन लिए । 

एक बल बाँकी हुँदा भारतलाई जितका लागि दुई रन मात्रै चाहिएको थियो । ब्याटिङ गर्न कप्तान धोनी आए । तर उनलाई ब्रावोले आउट गराए । 

भारत ट्वेन्टी–ट्वेनटी विश्व च्याम्पियन वेष्ट इन्जिडसँग एक रनले हार्यो । यसअघि पहिले ब्याटिङ गरेको वेष्ट इन्डिजले ६ विकेटको क्षतिमा दुई सय ४५ रन बनायो ।