मुम्बई – टेलिभिजनमा कपिल शर्माको भूमिका देखिने सुमोन चक्रवर्तीले छिट्टै नै वास्तविक जीवनमा विवाह गर्दैछिन् । सञ्चारमाध्यममा आएको खबरअनुसार २९ वर्षकी सुमोनाले प्रेमी सम्राट मुखर्जीसँग विहे गर्दैछिन् । अहिलेसम्म उनले यस विषयमा केही बोलेकी छैनन् ।
११ वर्ष जेठा छन् सम्राट
मिडिया रिर्पोटका अनुसार सम्राट ४० वर्षका भए । उनीभन्दा सुमोना ११ वर्षले कान्छी छिन् । केही महिनाअघिदेखी दुबै नजिक भएका थिए ।
आशुतोष गोवारिकरको फिल्म ‘ खेल हम जी जान से’ सम्राटले अभिनय गरेको चलचित्र हो । अहिले सम्राट बंगाली सिनेमामा व्यस्त छन् । उनले ‘भाई भाई’ र ‘सिकन्दर सडकका’ जस्ता चलचित्रमा समेत अभिनय गरेका छन् ।
कमेडी नाइट्समा कपिलकी श्रीमती बनेकी थिइन् सुमोना
सुमोना चक्रवर्तीले कमेडी नाइट्स विद कपिलमा कपिल शर्माकी श्रीमतीको भूमिका निभाएकी थिइन् । मुम्बईमा बस्दै आएकी सुमोना उत्तर प्रदेशकी हुन् । उनले सन् १९९९ मा आमिर खान, अनिल कपुर र मनिष कोइरालासँगै ‘मन’ चलचित्रमा बालकलाकारको भूमिका निर्वाह गरेकी थिइन् । यतिबेला सुमोना ६ कक्षामा पढ्दै थिइन् र उनको उमेर केवल १२ वर्षको थियो । यसबाहेक उनले थुप्रै टेलिसिरियलमा समेत अभिनय गरेकी छिन् । उनी अभिनयसँगसँगै मोडलिङमा पनि जमेकी छिन् ।