»
रियल मड्रिडको शानदार जित
चैत ८ – स्पेनिस ला लिगा अन्तर्गत आइतबार राति भएको खेलमा रियल मड्रिड विजयी भएको छ । घरेलु मैदान बर्नाबेउमा भएको खेलमा रियल मड्रिडले सेभिल्लालाई ४–० ले हरायो । रियल मड्रिडको जितमा करिम बेन्जिमा, क्रिष्टियानो रोनाल्डो, ग्यारेथ बेल र जेसेले एक एक गोल गरे । छैटौं मिनेटमा नै बेन्जिमाले गोल गर्दै रियललाई सुरुवाती अग्रता दिलाए । पहिलो हाफमा १–० ले अघि रहेको रियलका लागि दोस्रो हाफमा थप तीन गोल भयो । ६४ औं मिनेटमा रोनाल्डोले अग्रता दोब्बर पारे । त्यसको दुई मिनेटपछि बेलले गोल गर्दै अग्रता ३–० मा पुर्याए । ८६ औं मिनेटमा जेसेले गोल गरेपछि रियल ४–० ले विजयी भयो । जितपछि तेस्रो स्थानको रियलको ३० खेलबाट ६६ अंक भएको छ । रियल दोस्रो स्थानको एथ्लेटिको मड्रिड भन्दा एक अंकले मात्रै पछि छ भने शीर्ष स्थानको बार्सिलोना भन्दा १० अंकले पछि छ । ३० खेलबाट ४८ अंक जोडेको सेभिल्ला छैटौं स्थानमा झरेको छ । अर्को खेलमा सेल्टा डी भिगोले भ्यालेन्सियालाई २–० ले हरायो । ३० खेलबाट ४८ अंक जोडेको सेल्टा भिगो पाँचौं तथा ३४ अंक रहेको भ्यालेन्सिया १४ औं स्थानमा छ ।
0 comments
प्रतिक्रिया दिनुहोस्...