डोटी, वैशाख १ – डोटीको जिजोडामाडौं–३ खाणमा मंगलबार राति जीप दुर्घटना हुँदा ८ को ज्यान गएको छ । दुर्घटनामा सात जना घाइते भएका छन् । डोटीको बानिडुब्रीसैनबाट उच्चाकोटका लागि छुटेको ना ४ ख ३२९४ नम्बरको जीप मंगलबार राति साढे ८ बजे खाणमा दुर्घटनाग्रस्त भएको जिल्ला प्रहरी कार्यालय डोटिले जनाएको छ ।

साघुँरो सडक तथा गाडीले क्षमता भन्दा बढी यात्रु बोकेका कारण  दुर्घटना भएको जिल्ला प्रहरी कार्यालय डोटीका प्रमुख (एसपी) दिल्लीराज विष्टले बताउनुभयो । उहाँले भन्नु भयो ‘अत्यन्तै साघुँरो सडक रहेछ, त्यसैमा पनि १५ जना यात्रु र तिनको सामान बोकेको देखीन्छ, गाडीले भार धान्न नसक्दा दुर्घटना भएको प्रारम्भिक अनुमान गरेका छौं ।’