आफ्नो इसारामा नचलेको भन्दै भारत सरकार ढाल्न डटेर लागिपरेको छ ,म कदापी पछी हट्ने
छैन :प्रधानमन्त्री
प्रधानमन्त्री केपी शर्मा ओलीले वर्तमान सरकारको विकल्प खोज्न भारत सक्रिय भएर लागिरहेको बताएका छन्। उनले नेपालले आफ्नो निर्णय आफैं गर्न थालेकाले यस्तो किसिमको षडयन्त्र भइरहेको दाबी गरे।
शनिबारदेखि सुरु भएको पार्टीको स्थायी समिति बैठकमा बोल्दै प्रधानमन्त्री ओलीले भने, ‘हामी आफ्ना निर्णय आफैं गर्न थालेका छौं, त्यसैले भारतले यो सरकार असफल पार्न लागेको हो।’
बैठकमा सहभागी एक सदस्यका अनुसार ओलीले अहिलेको सरकारलाई दक्षिणतिरबाट असहयोग भइरहेको र विकल्प खोज्ने प्रयास भइरहेको बताए। ‘सरकारको विकल्प खोज्नका निम्ति अनेक मान्छेलाई उचाल्ने प्रयास भइरहेको छ।’
प्रधानमन्त्री ओलीले अहिलेको लडाइँ नै नेपालमा हुने निर्णय कसले गर्ने भन्ने रहेको बताए। ‘नेपालमा हुने निर्णय प्रक्रियामा को हावी हुने भन्ने अहिले लडाइँ चलिरहेको छ,’ ओलीलाई उद्धृत गर्दै ती सदस्यले भने, ‘अहिले नेपालमा उत्पन्न समस्या यही हो।’
0 comments
प्रतिक्रिया दिनुहोस्...