कोपेनहेगनको कार्यक्रम रमाइलो, उत्साहजनक र सँधैजस्तो अमृत गुरुङबाट मिल्ने जन्मथलो नेपालको स्थिति वर्णनबाट अघिबढेको थियो । फेरि पनि अमृतले सामाजिक सन्देशहरु सुनाएर दर्शकलाई भावविभोर बनाएका थिए । 

कार्यक्रम सदाबहार नेपथ्यका पुराना हिटहरु ‘छेक्यो छेक्यो’, ‘हिमाल चुचुरे’, ‘रेशम’, ‘तालको पानी’ हुँदै भर्खर रिलिज भएको ‘कोशीको पानी यो जिन्दगानी’बाट अघि बढेको थियो । नेपथ्यले आफ्नो शैलीको प्रयोग गर्दै पुनः जागृत गराएको ‘गाउँ गाउँबाट उठ’ र ‘रातो र चन्द्रसूर्य’ पनि सुनायो । (ujyalo 90network)