अस्ट्रेलियाको डरले भारतले बदल्यो मोहालीको पिच !
संसारको सबैभन्दा शक्तिशाली मानिएको भारतीय क्रिकेट बोर्डले यस खेलसँग जोडिने सबै चिजलाई आफ्नो नियन्णमा राख्न कुनै कसर बाँकी छाड्दैन ।
भारतले खेल जित्नका लागि मिल्नेसम्म उपाय लगाउनेको उदाहरण अस्ट्रेलियाविरुद्ध आज हुने खेलमा पनि देखिएको छ । भारतले टी-२० विश्कपमा आइतबार साँझ अस्ट्रेलियसँग भिड्नुअघि आफू अनुकुल हुने गरी मोहालीस्थित पिचमै फेरबदल गरेको छ ।
हिन्दुस्तान टाइम्सले बीसीसीआईको सुत्रलाई उद्धृत गर्दै छापेको समाचार अनुसार भारतीय टीम व्यवस्थापनको अनुरोधमा आइतबार अस्ट्रेलियाविरुद्ध हुने खेलमा लागि पिचमै फेरबदल गरिएको हो ।
यस घटनाक्रमसँग जोडिएका एक अधिकारीले हिन्दुस्तान टाइम्ससँग भने, 'जुन पिचमा अस्ट्रेलिया र पाकिस्तानको खेल भएको थियो । त्यसैमा अस्ट्रेलियासँग भारत भिड्ने तय थियो । तर भारत पिचदेखि खुसी थिएन र पिचमै फेरबदल गरिएको हो । अब बदलिएको पिचमा बलिङकलाई मद्दत मिल्नेछ जसले उछाल पनि राख्नेछ ।'
यस्तै खालको पिच नागपुरमा यसअघि न्यूजील्यान्डसँग भएको भिडन्तका क्रममा पनि बनाइएको थियो । बदलिएको पिचमा टी-२० विश्वकप अन्तर्गत भारतले न्यूजील्यान्डसँग पहिलो म्याच खेलेको थियो । तर उसले हारको सामना गर्नुपरेको थियो ।
त्यो बेला पनि बीसीसीआई व्यवस्थापनकै आग्रहमा बदलिएको थियो । तर, त्यो कदम भारतका लागि आत्घाती सावित हुन पुग्यो । भारतीय खेलाडीहरु न्यूजील्यान्डका स्पिनर्सहरु मिचेल स्टान्टर र ईश सोढीलाई पनि झेल्न असफल रहे ।
आईसीसीको प्रतियोगिता भारतले चालेको यो कदमलाई आश्चर्यजनक मानिएको छ । यस्ता भिडन्तमा पिचको तयारी आईसीसीकै कर्मचारीले गर्छन् र त्यही पिच जिम्मा लगाउँछन् । यसको मतलब आईसीसीको अनुमतिबिना पिचमा फेरबदल गर्न सकिँदैन ।
तर, भारतको घरेलु भूमिमा म्याच भइरहेकाले उसलाई अगाडिसम्म नलगेमा आर्थिकरुपमा धेरैलाई घाटा हुने भएकाले पनि भारतको यो कदमा आईसीसीले पनि आँखा चिम्लेको बताइन्छ ।
टी-२० विश्वकपका क्रममा घरेलु टीम भारत बाहिरिँदा प्रसारकहरुले गरेको लगानी डुब्ने चिन्ताकै कारण पनि यसमा आँखा चिम्लिएको दाबी गरिएको छ । भारतबिनाको खेलबाट लगानी उठाउन समस्या हुने भएकाले आयोजकहरु पनि चुप बसेका हिन्दुस्तान टाइम्सको समाचार उल्लेख छ ।
संसारभरको क्रिकेट बोर्डको आर्थिक स्रोत भारतमै निर्भर हुने गरेको छ । यसका लागि लगानीकर्ताहरु भारतले नै खेल जितेको हेर्न चाहन्छन् ।
तर अर्कातिर खेलाडीको रुपमा हेर्ने हो भने भारतको स्थिति एकदमै मुस्किल अवस्थामा छ । भारतले पछिल्लो ९ वर्षयता यो प्रतियोगिताको उपाधि उचाल्न सकेको छैन ।
यदि भारत घरमै सेमिफाइनलमा पनि पुग्न सकेन भने कप्तान महेन्द्रसिंह धोनी र उनका खेलाडीका लागि सर्मनाक अवस्था हुनेछ ।
अहिलेसम्म मोहालीमा खेलिएका खेलमा सबैभन्दा बढी रन बनेको पनि छ । यहाँ न्यूजील्यान्डले १८० र अस्ट्रेलियाले १९० रनभन्दा बढी बनाएको रेकर्ड छ ।
न्यूजील्यान्डको महिला टीमले आयरल्यान्डविरुद्ध १७७ को स्कोर गरेको थियो । तर भारतको भने कथा अलग्गै छ । ईडन गार्डेनमा पाकिस्तानले बंगलादेशविरुद्ध २०० बढी रन बनाएको तीन दिनपछि पाकिस्तानका सबै खेलाडी मोहालीमा ११८ रन बनाउँदै १८ ओभरमै आउट भए
पञ्जाव क्रिकेट एसोसियसनका क्युरेटर र बीसीसीआई पिच कमिटीका प्रमुख दलजीत सिंहले पिच बदलिएकोबारेमा कुनै टिप्पणी गर्न अस्वीकार गरे । तर सुत्रका अनुसार स्पिनर्सका लागि यो पिच खास हुनेछ बताइएको छ ।
'अघिल्लो साल दक्षिण अफ्रिकाविरुद्धको टेस्टमा जे भयो, त्यो तपाईैले देख्नुभयो होला । पिसिए छिटो विकेटका लागि परिचित छ । भारतले पहिलो पारीमा अधिकतम २०१ को स्कोर गरेको थियो', पञ्जाव क्रिकेट एसोसियसनका एक अधिकारीले भने, 'यसका अलाबा यसै पिचको प्रयोग भारत र वेस्ट इन्डिजको महिला टीमका लागि पनि गरिएको थियो । यो पिच साँझमा स्लो हुनेछ ।'
0 comments
प्रतिक्रिया दिनुहोस्...